Су басу қаупі: қала тұрғындары нені ескергені жөн

Алматыда ауа райы тұрақсыз болып тұр. Бірде күн жылынып, бірде қалың қар басып, табиғат тосын мінезін көрсетуде. Мұндай құбылмалы жағдайлар тұрғындар үшін жай ғана табиғи құбылыс болса, құтқарушыларға үлкен жауапкершілік жүктейді. Себебі температураның күрт өзгеруі, қардың еруі мен мол жауын-шашын қалада су басу, тасқын және сел қаупін арттыруы мүмкін. Әсіресе, тау бөктеріндегі аудандарда қауіп жоғары. Осыған байланысты Төтенше жағдайлар қызметі күшейтілген режимде жұмыс істеп, қауіптің алдын алуға дайындықты бастады. Құтқарушылар қандай шаралар қабылдап жатыр? Қала тұрғындары нені ескергені жөн?

Осы және өзге сұрақтарға «Алматы» телеарнасының студия қонағы  «Қазселденқорғау» қалалық филиалының басшысы Самат Дәуленқанов жауап береді.