Талғарда өрт болып, 18 адам эвакуацияланды

Төтенше жағдайлар министрлігінің құтқарушылары өрт кезінде 18 адамды эвакуациялады, деп хабарлайды Almaty.tv тілшісі ТЖМ баспасөз қызметіне сілтеме жасап.

Талғар қаласында орналасқан көппәтерлі тұрғын үйлердің бірінде төртінші қабаттың пәтерінде жиһаз өртеніп кеткен.

ТЖМ қызметкерлері баспалдақ маршымен 18 адамды, оның ішінде 8 баланы эвакуациялады.

Өрт 8 шаршы метр алаңда жедел түрде сөндірілді. Зардап шеккендер жоқ.

Өрт болған жағдайда 112 нөміріне хабарласыңыз. 

Оқи отырыңыз: СҚО-да жол апатынан нәресте көз жұмды