Таудың көркі: Қазақстанның Қызыл кітабына енген бұйра лалагүл

Бір қарағанда ертегі гүліндей әсер қалдырады. Күлтелері сыртқа қарай қайырылып, ерекше пішін түзетін бұйра лалагүл — Қазақстанның Қызыл кітабына енген сирек өсімдіктердің бірі, деп хабарлайды Almaty.tv.

Бұйра лалагүл табиғатта жиі кездесе бермейді. Ол таулы аймақтардың орманды және шалғынды бөліктерінде өседі. Жаз мезгілінде ерекше пішіні мен ажарлы реңі көз тартады.

Алайда гүлдің құндылығы оның әсемдігімен ғана шектелмейді. Оның табиғи популяциясын сақтау өсімдік өсетін мекен ету ортасын қорғауға тікелей байланысты.

Сондықтан табиғат аясында бұйра лалагүлге кезіккен жағдайда оны жұлмай, сол қалпында тамашалап, табиғи ортасында қалдырған жөн.

Қызыл кітапқа енген әрбір өсімдік табиғи мұраны қорғаудың маңызын еске салады. Табиғаттағы ең әдемі дүниелер өз орнында сақталған кезде ғана құндылығын жоғалтпайды.

Оқи отырыңыз: Халық қатысатын бюджет: Әуезов ауданында 29 жоба жүзеге асырылып жатыр