Түркістан облысында 12 жастағы қызды аңдыған күдіктілер ұсталды

Түркістан облысында белгісіз ер адамдар 12 жастағы қызды тапа-тал түсте көлікпен аңдыған, деп хабарлайды Almaty.tv.

Сарыағаш ауданында болған оқиғаның видеосы әлеуметтік желіде тарады. Жергілікті тұрғындардың айтуынша, көшеде жасөспірім қызға белгісіз ер адамдар жақындап, оны үйіне жеткізіп салуды ұсынған. Алайда мектеп оқушысы бас тартқаннан кейін, олар қыздың артынан жүре бастаған. Оқиғаға бей-жай қарамаған ауыл тұрғындары араласқаннан кейін ғана ер кісілер аңдуын тоқтатыпты.

Полицияның мәліметінше, қазір күдіктінің бәрі ұсталып, бөлімшеге жеткізілген. Оқиғаның мән-жайы анықталып жатыр.

Оқи отырыңыз: Салмағы 650 грамм: Шымкентте нәрестенің көзіне ота жасап, аман алып қалды