Ұйқыны жақсартудың 7 қарапайым жолы

Сапалы ұйқы – денсаулық пен көңіл күйдің кепілі. Almaty.tv ұйқыны жақсартудың 7 қарапайым жолын ұсынады.

Егер түнде жиі оянып кетсеңіз немесе таңертең шаршап тұрсаңыз, мына қарапайым әдістерді қолданып көріңіз:

1. Тұрақты ұйқы режимін қалыптастырыңыз

Күн сайын бір уақытта ұйықтап, бір уақытта тұру ағза биоритмін қалыпқа келтіреді.

2. Ұйқыға дейін экранды азайтыңыз

Телефон, теледидар немесе компьютердің жарығы ұйқы гормоны мелатониннің бөлінуін тежейді. Ұйықтар алдында кемінде 30 минут экранды сөндірген жөн.

3. Бөлмені желдетіп алыңыз

Таза әрі салқын ауа ұйқыны тереңдетеді. Бөлменің температурасы 18–22 градус шамасында болса жеткілікті.

4. Кешкі уақытта кофеинді азайтыңыз

Кофе, шай, энергетикалық сусындар мен шоколад түнгі ұйқыға кедергі жасайды.

5. Қысқа кешкі серуен жасаңыз

Ауыр жаттығу емес, жай серуен ағзаны босаңсытып, жақсы ұйықтауға көмектеседі.

6. Ұйықтар алдында гаджеттерді алыстатыңыз

Телефонды жастықтың астына салмай, бөлменің шетіне қойыңыз.

7. Ұйқыны ритуалға айналдырыңыз

Бір кесе жылы сүт, тыныш музыка немесе кітап оқу – ұйықтар алдындағы дағдыларды тұрақты ұстану миға «демалатын уақыт келді» деген белгі береді.

Дереккөз: Aikyn.kz.

Оқи отырыңыз: Жолда ұйқымен күрестің тиімді әдістері