ҰҚК биыл 24 қылмыстық топтың жолын кесті

Күдіктілердің адам ұрлау, бопсалау, қаруды заңсыз сақтау және басқа да ауыр қылмыстарға қатысы бар болуы мүмкін

Биыл Ұлттық қауіпсіздік комитеті 24 қылмыстық топтың заңсыз әрекетін анықтады, деп хабарлайды Almaty.tv.

Жалпы 169 күдікті ұсталған. Олардың арасында қылмыстық топ жетекшілері де бар. Күдіктілердің адам ұрлау, бопсалау, қаруды заңсыз сақтау және басқа да ауыр қылмыстарға қатысы бар болуы мүмкін.

Бұдан бөлек, Ұлттық қауіпсіздік комитеті шекара маңында, өнеркәсіп және қоршаған ортаны қорғау салаларында заңсыз кіріс әкелетін қылмыстық схемаларды да анықтап, жолын кескен. Қазір осы фактілер бойынша сотқа дейінгі тергеп-тексеру жүргізіліп жатыр.

Оқи отырыңыз: Бастығым шақырды: қызметтік көлік апатына қатысты жаңа деректер шықты