Күз-2024: елімізде әскерге шақыру кампаниясы басталды

2024 жылғы 16 қыркүйектен бастап ҚР ТЖМ Азаматтық қорғаныс әскери бөлімдерінде мерзімді әскери қызмет өткеру үшін әскерге шақырылушыларды жалдау бойынша күзгі шақыру кампаниясы басталды, деп хабарлайды Аlmaty.tv тілшісі Алматы қаласы ТЖД-ның азаматтық қорғаныс басқармасына сілтеме жасап.

Күзде ҚР Төтенше жағдайлар министрлігі 300-ден астам жас жігітті шақырады, олардың 20-сы Қарағанды қаласындағы ҚР ТЖМ 52859 әскери бөліміне және Алматыға шақырылады.

Сапалы жасақтау мақсатында Алматы ТЖД әскери қызметшілерімен Алатау ауданының қорғаныс істері жөніндегі басқармасында есепте тұрған әскерге шақырылушылардың жеке істерін зерттеу басталды. Зерттеу барысында әскерге шақырылушының денсаулық жағдайына, оның

моральдық-психологиялық жағдайына, мерзімді қызметке қатынасына, әкімшілік немесе қылмыстық жауапкершілікке тарту фактілерінің болуына және т. б. жағдайларға ерекше назар аударылады.

Айта кету керек, ТЖМ әскерлерінде қызмет еткен сарбаздар мен сержанттарға азаматтық қорғау органдарына жұмысқа орналасу мүмкіндігі беріледі. Бұдан басқа, жоғары оқу орындарына әңгімелесу нәтижелері бойынша ақылы негізде түсу мүмкіндігі көзделеді, ҰБТ-ны есепке алмағанда.

Естеріңізге сала кетейік, әскери қызмет әрбір жас жігіттің міндеті болып табылады, ал оны өтуден жалтару қылмыстық және әкімшілік жауапкершілікті көздейді.

ТЖМ әскери бөлімдерінде мерзімді қызмет өткергісі келетіндерге Алматы қаласының Төтенше жағдайлар департаментіне Байзақов көшесі, 300, мекенжайы бойынша келуге немесе азаматтық қорғаныс басқармасының офицері капитан Рүстем Серікұлы Аятпен 8-700-606-93-01 нөмері арқылы байланысуға болады.