Маңғыстау облысында құтқарушылар жағадан алыстап кеткен үш адамды тапты

Өткен түнде Түпқараған ауданындағы Каспий теңізінің жағалауында қатты желдің салдарынан үш адам отырған үрлемелі қайық ашық теңізге ағып кеткен, деп хабарлайды Almaty.tv.

Оларды іздеуге ТЖМ күштері дереу шықты.

Құтқарушылар жоғалған адамдарды тауып, жағалауға жеткізді. Медициналық көмек қажет болған жоқ.

ТЖМ ескертеді: жел күшейген кезде суға шықпаңыздар және қауіпсіздік ережелерін сақтаңыздар.