Жантүршігерлік апат: Алматы облысында 8 адам көз жұмды

Алматы облысында жантүршігерлік жол апатынан сегіз адам тіл тартпай кетті, деп хабарлайды Almaty.tv.

Тағы екі адам ауруханада жатыр. Облыстық полицияның дерегінше, көлік оқиғасы Алматы–Бішкек автожолының 107-шақырымында Беріктас ауылына жақын маңайда болған. 

Алдын ала мәліметтерге сәйкес, Lexus автокөлігі қарсы жолаққа шығып кетіп, Toyota Alphard көлігімен соқтығысқан. Құзырлы орган сотқа дейінгі тергеуді бастады.

Полиция жүргізушілерге жол қозғалысы ережелерін қатаң сақтап, барынша мұқият болуды сұрайды.

Оқи отырыңыз: Заңсыз құжат, жалған есепшот: Астанада бір топ азаматқа қатысты үкім шықты