Жедел жәрдем көлігі апаты: ес-түссіз жатқан әйел адам көз жұмды

Текеліде жедел жәрдем көлігінің қатысуымен жол апаты болып, ішіндегі науқас көз жұмды, деп хабарлайды Almaty.tv.

Оқыс оқиға кеше түнде болған. Жеңіл көлікпен соқтығысқан жедел жәрдем аударылып, зардап шеккен төрт адам ауруханаға жеткізіліпті. Облыстық денсаулық сақтау басқармасының ақпарынша, бір азаматқа алғашқы көмек көрсетіліп, үйіне қайтарылған, ал тағы 3 адам хирургия бөлімшесінде ем алып жатыр. Науқастардың жағдайы орташа ауыр деп бағаланды. Ал жол апаты кезінде жедел жәрдем көлігінің ішінде ес-түссіз жатқан 87 жастағы әйел адам қаза болған. Оқиғаның мән-жайы анықталып, қылмыстық іс қозғалды.

Оқи отырыңыз: Автобус апаты: зардап шеккен науқастардың жағдайы ауыр