Бүгін еліміздің 4 өңірінде үсік жүреді

Қазгидромет ел аумағында 16 қазанда болатын қауіпті метеорологиялық құбылыстарға болжам жасады, деп хабарлайды Almaty.tv.

"Еліміздің басым бөлігі антициклонның әсерінде болғандықтан, жауын-шашынсыз ауа райы күтіледі, тек елдің солтүстігінде, шығысында атмосфералық фронтальды бөліктердің өтуіне байланысты жауын-шашын (жаңбыр, қар) түсіп, екпінді жел соғады. Республика бойынша түнгі және таңертеңгі сағаттарда тұман түседі", - деп жазды синоптиктер.

Алматы облысының солтүстігінде, оңтүстігінде топырақ бетінде, Қызылорда облысының солтүстігінде, Жамбыл облысының таулы аудандарында, Жетісу облысының орталығында, таулы аудандарында 3 градусқа дейін үсік күтіледі.

Оқи отырыңыз: Алматы қаласы бойынша 16-22 қазан аралығындағы ауа райы болжамы