Бүгін бірнеше қалада оқушылар сабақты қашықтан оқиды

Еліміздің бірқатар аймағында бүгін, 16 ақпанда оқушылар мектепке бармайды, деп хабарлайды Almaty.tv.

Астана, Семей, Қарағанды және Ақтөбе қаласының оқушылары аязға байланысты қашықтан оқыту форматына ауыстырылды.

«16 ақпанда ауа райының қолайсыздығына байланысты І ауысымда оқитын 0-11 сынып оқушылары және колледж студенттері үшін сабақ қашықтан оқыту форматына ауыстырылады», - делінген Астананың білім басқармасы таратқан хабарламада.

Осындай бұйрыққа Семейдің білім ведомствосы да қол қойды. Ақтөбе және Қарағанды облыстарында да екі ауысымда да оқу қашықтан оқытуға ауыстырылды.