Ауа райы: Қазақстанның 7 өңірінде аптап ыстық болады

Алдағы күндері еліміздің бірқатар аймақтарында аптап ыстық күтілуде. Яғни, ауа температурасы 42 ден 45 градусқа дейін көтерілмек, деп хабарлайды Almaty.tv.

«Қазгидромет» мамандарының мәліметіне сүйенсек Атырау облысында 40 градус ыстық болып, жылдамдығы 15-20 м/секундқа жететін жел тұруы ықтимал. Ал, Қызылорда облысында осы күндері 47 градусқа барады. Сондай-ақ, Жамбыл, Маңғыстау, Түркістан, Ақтөбе, Алматы облыстарында да аптап ыстық болады делінген.  Сынап бағанасы 42-ге дейін жетуі мүмкін. Төтенше жағдайлар қызметінің мамандары да күннің аптап ыстығына орай сақтық шараларын күшейтіп, тұрғындарға барынша ескерту жасап жатыр. Ал, ауа райын болжаушылар мұндай аптап ыстық әлі де қайталанады деп отыр.