Үсік жүреді: Синоптиктер алдағы үш күнге арналған ауа райы болжамын ұсынды

atpress.kz

Республиканың басым бөлігінде жаңбыр жауады, ауа температурасы төмендейді

Қазгидромет 7-9 қыркүйек аралығына арналған ауа райы болжамын жариялады. Синоптиктердің болжамынша, республиканың басым бөлігінде ауа райы жауын-шашынды, солтүстікте нөсер жаңбыр жауады. Тек оңтүстік өңірлерде ғана күн ашық болады, деп хабарлайды Almaty.tv тілшісі.

8-9 қыркүйекте түнде Қостанай облысында, 9 қыркүйекте Ақмола және Солтүстік Қазақстан облыстарында 2 градус үсік жүреді.

Республиканың батысында, солтүстік-батысында түнде ауа температурасы +5...+10°C, күндіз +14...+22°C, солтүстікте және орталықта түнде +2...+7°C, күндіз +13...+23°C, шығыста түнде +7...+12°C, күндіз +20...+25°C болады.

Елдің оңтүстігі мен оңтүстік-шығысында түнде сынап бағанасы +10...+15°C, күндіз +22...+27°C көрсетеді.