Еліміздің үш облысына ауа райына байланысты ескерту жарияланды

Қостанай, Ақмола облыстары және Нұр-Сұлтан қаласында ауа райына байланысты ескерту жарияланды, деп хабарлайды «Қазгидромет» РМК.

18 маусым күні Қостанай облысының кей жерлерінде найзағай ойнап, бұршақ жаууы мүмкін. Солтүстік-батыстан соққан желдің екпіні түнде жекелеген аумақтарда, күндіз басым бөлігінде 15-20 м/с жетеді.

18 маусым күні Ақмола облысының басым бөлігінде найзағай, бұршақ күтіледі. Күндіз солтүстік-батыстан соққан желдің жылдамдығы 15-20 м/с жетуі ықтимал.

Нұр-Сұлтанда 18 маусым күні найзағай жарқылдап, бұршақ жауатыны болжанады.