Еліміздің бірқатар өңірінде ауа райына байланысты ескерту жарияланды

Tengrinews.kz

Еліміздің бірқатар өңірінде ауа райына байланысты ескерту жарияланды, деп хабарлайды Аlmaty.tv тілшісі «Қазгидромет» РМК сілтеме жасап.

Атырау облысының кей жерлерінде күн күркіреп, найзағай ойнайды.

Қостанай облысында бірқатар аймақтарда найзағай ойнап, дауыл тұрады, тіпті бұршақ жаууы да мүмкін деп күтілуде. Сонымен қатар, солтүстік-батыстан соққан жел екпіні күндіз 15-20 м/с жетеді.

Қостанай қаласында найзағай, солтүстік-батыстан жел соғады, екпіні 15-20 м/с күшейеді.

Солтүстік Қазақстан облысында кей жерлерде найзағай ойнап, тұман түсіп, бұршақ жауады.

Петропавл қаласында найзағай ойнап, бұршақ жауады. Солтүстік-батыстан жел соғады, күндіз екпіні 15-20 м/с жетеді.