Алматыда қар көшкіні қаупіне байланысты ескерту жарияланды

Синоптиктер Алматы тұрғындарын қар көшкініне тап болмас үшін барынша абай болуға шақырады, деп хабарлайды Қазгидромет.

«4-8 сәуір аралығында жылымықтың әсерінен, қар жамылғысының тұрақсыз болуынан және алда болатын жауын-шашынға байланысты Үлкен Алматы су алабында (2100 метр биіктікте) қар көшкіні жүруі мүмкін», - деп ескертеді мамандар.

Осыған байланысты тау бөктеріне шығуды кейінге қалдырған жөн. Қазгидромет тауға шыққан жағдайда барынша абай болу керектігін еске салады.