Бүгін еліміздің бірқатар өңірінде қар жауады - синоптиктер болжамы

Синоптиктер 29 желтоқсанға арналған ауа райы болжамын жариялады, деп хабарлайды Аlmaty.tv.

"Атмосфералық фронттардың өтуіне байланысты Қазақстан территориясының басым бөлігінде қар жауып, бұрқасын болады, еліміздің батысында, оңтүстігінде жауын-шашын (жаңбыр және қар түрінде) жауады. Еліміздің оңтүстік-шығыс аймақтарына антициклон жотасы өз әсерін тигізіп жауын-шашынсыз ауа райы сақталады. Республика бойынша тұман, көктайғақ болып, жел күшейеді», - деп хабарлады "Қазгидромет" РМК.

Астанада көшпелі бұлт шығады, кей жерлерде қар жауады, қар жауады. Оңтүстік-батыстан 5-10 м/с жел соғады. Ауа температурасы түнде және күндіз 4-6 градус аяз болады.

Алматыда – көшпелі бұлт шығады, жауын-шашынсыз. Оңтүстік-шығыстан 2-7 м/с жел соғады. Ауа температурасы түнде 5-7 градус аяз, күндіз 3-5 градус жылы болады.

Шымкентте – көшпелі бұлт шығады, күндіз жаңбыр жауады. Оңтүстік-шығыстан соғатын жел оңтүстік-батысқа ауысады, күші 8-13 м/с. Ауа температурасы түнде 2-4 градус аяз, күндіз 8-10 градус жылы болады.

Жетісу облысында оңтүстік-шығыстан жел соғады, Алакөл көлдері аудандарында екпіні 15-20 м/с.

Ұлытау облысының солтүстігінде, шығысында тұман түседі.

Қарағанды облысының батысында, шығысында, орталығында тұман түседі.

Алматы облысының батысында, шығысында оңтүстік-батыстан жел соғады, кей уақытта екпіні 15-20 м/с болады. Қонаев қ.аласында күндіз оңтүстік-батыстан жел соғады, екпіні 15-20 м/с.

Маңғыстау облысында күндіз облыстың батысында, оңтүстігінде, орталығында көктайғақ болады. Облыстың оңтүстігінде, орталығында тұман түседі. Ақтау қаласында көктайғақ болады.

Ақтөбе облысының солтүстігінде, шығысында, оңтүстігінде тұман, көктайғақ болады. Ақтөбеде кей уақыттарда тұман, көктайғақ болады.

Түркістан облысының батысында, оңтүстігінде, таулы және тау бөктерлі аудандарында тұман түседі. Оңтүстік-шығыстан оңтүстік-батысқа ауысатын жел соғады, күндіз облыстың оңтүстігінде, таулы аудандарында күші 15-20 м/с. Шымкентте түнде және таңертең тұман түседі. Түркістанда 29 желтоқсанда түнде және таңертең тұман болады.

Атырау облысының батысында, оңтүстігінде тұман, көктайғақ болады. Атырау қ.аласында түнде көктайғақ болады.

Күндіз Қызылорда облысының оңтүстігінде көктайғақ болады.

Батыс Қазақстан облысының батысында, оңтүстігінде, солтүстігінде көктайғақ болып, тұман түседі. Оралда көктайғақ, тұман болады.

Оқи отырыңыз: Алматыда 30 желтоқсан мен 5 қаңтар аралығында ауа райы қандай болады