Жеті облыстың жүргізушілеріне ауа райының нашарлауына байланысты ескерту жасалды

Қазақстанның жеті өңірінде ауа райы күрт нашарлайды, деп хабарлайды Almaty.tv.

«ҚазАвтоЖолдың» деректеріне сәйкес, 1 қазанда Ақмола, Алматы, Шығыс Қазақстан, Жамбыл және Солтүстік Қазақстан облыстарының, сондай-ақ Абай мен Жетісу облыстарының кей жерлерінде жаңбыр аралас қар және қар жауады деп болжануда.

"Сол себепті жүргізушілерге жылдамдық режимі мен қауіпсіз арақашықтықты қатаң сақтап, жолдардағы ауа райының қолайсыздығын ескерулеріңізді сұраймыз. 1403 байланыс орталығына хабарласып, тәулік бойы қосымша ақпарат алуға болады", — делінген хабарламада.

Оқи отырыңыз: Алматыда 29 қыркүйек пен 5 қазан аралығында ауа райы қандай болады