Әлихан Смайылов премьер-министрдің міндетін атқарушы болып тағайындалды

Премьер-министрдің бірінші орынбасары Әлихан Смайылов Қазақстан Республикасы премьер-министрінің міндетін атқарушы болып тағайындалды, деп хабарлайды Almaty.tv тілшісі akorda.kz-ке сілтеме жасап.

"Қазақстан Республикасы премьер-министрі міндеттерін уақытша атқару Әлихан Асханұлы Смайыловқа жүктелсін", - делінген хабарламада.

Айта кетейік, Әлихан Смайылов 2015 жылдан бері Мемлекет басшысының көмекшісі қызметін атқарған болатын. Оған дейін 2009-2014 жылдар аралығында Қазақстан Статистика агенттігінің төрағасы болды. Осы күнге дейін екі рет қаржы министрінің орынбасары болып тағайындалды. Ал 2019 жылы Үкімет отставкаға кеткенге дейін қаржы министрі болды. 2019 жылы 25 ақпаннан бастап премьер-министрдің бірінші орынбасары - қаржы министрі қызметіне мақұлданды.