|
26.03.2019 | 10:16
1858

Мамин премьер-министр кеңсесінің жаңа басшысын таныстырды

Ғалымжан Қойшыбаев бұл қызметте Дархан Қалетаевты алмастырды

Мамин премьер-министр кеңсесінің жаңа басшысын таныстырды Sputnik

Ғалымжан Қойшыбаев премьер-министр кеңсесінің басшысы болып тағайындалды, деп хабарлайды Sputnik Қазақстан.

Үкімет басшысы Асқар Мамин премьер-министр кеңсесінің жаңа басшысын таныстырды.

«Үкімет қаулысымен Ғалымжан Телманұлы Қойшыбаев премьер-министр кеңсесінің басшысы болып тағайындалды. Ғалымжан Телманұлы президент әкімшілігінде және сыртқы істер министрлігі жүйесінде елші, министрдің орынбасары болып ұзақ жылдар еңбек етті», - деген Мамин оған жаңа қызметінде сәттілік тіледі.

Айта кетсек, бұған дейін премьер-министр кеңсесін Дархан Қалетаев басқарған еді. Қазір ол президент әкімшілігі басшысының бірінші орынбасары.

Ғалымжан Қойшыбаев туралы не білеміз?

Ғалымжан Қойшыбаев 1968 жылы Қызылорда қаласында дүниеге келген. М.В. Ломоносов атындағы Мәскеу мемлекеттік университетін тәмамдаған.

• 1995–2004 жылдары – Қазақстанның Ресейдегі елшілігінің атташесі, үшінші хатшысы, бірінші хатшысы, кеңесшісі, кеңесші-уәкілі;

• 2004 жылы — Қазақстанның Ұжымдық қауіпсіздік туралы шарты ұйымы жанындағы өкілетті өкілі;

• 2004–2006 жылдары — президенті әкімшілігінің бас инспекторы;

• 2006–2008 жылдары — Қазақстан сыртқы істер министрлігінің ерекше тапсырмалар жөніндегі елшісі;

• 2008–2012 жылдары — Қазақстанның Литва Республикасындағы төтенше және өкілетті елшісі, Қазақстанның Латвиядағы, Эстония және Финляндиядағы төтенше және өкілетті елшісі (қоса атқарушы);

• 2012–2016 жылдары — Қазақстанның Финляндия мен Эстониядағы төтенше және өкілетті елшісі (қоса атқарушы);

• 2016 жылдан бастап сыртқы істер министрінің орынбасары қызметін атқарған.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

Прямой эфир