Қасым-Жомарт Тоқаев жұмыс сапарымен Талдықорған қаласына келді

Қазақстан Президенті Қасым-Жомарт Тоқаев жұмыс сапарымен Алматы облысының орталығы Талдықорған қаласына келді, деп хабарлайды Президенттің баспасөз хатшысы Берік Уәли.

«Мемлекет басшысы Алматы облысындағы бірқатар өндірістік, әлеуметтік және мәдени нысандарды аралайды. Өңірдің жұртшылық өкілдерімен, кәсіпкерлерімен кездесу, сондай-ақ, көктемгі егістік жұмыстарының барысымен танысу жоспарланған», - деп жазды Берік Уәли Фейсбуктегі парақшасында.

Оның айтуынша, Қасым-Жомарт Тоқаев «Айбалта-2019» стратегиялық командалық-штабтық оқу-жаттығуына қатысады.