|
24.04.2021 | 16:23
9780

Асқар Мамин елорданың туристік кешенінің құрылыс алаңына барды

Жобаның бірінші кезеңін (29 га) 2022 жылдың соңында пайдалануға беру көзделген

Асқар Мамин елорданың туристік кешенінің құрылыс алаңына барды inform.kz

ҚР Премьер-Министрі Асқар Мамин Нұр-Сұлтан қаласындағы «Астана – жаңа қала» АЭА аумағындағы («Барыс Арена» мұз сарайының батыс жағындағы) көпфункционалды туристік ауданның құрылыс барысын тексерді, деп хабарлайды Almaty.tv тілшісі ҚазАқпаратқа сілтеме жасап.

Жобаның инвесторы БАӘ-ден девелопер «Ellington Properties Development LLC» компаниясы болып табылады, бас мердігер – «Renaissance Construction» компаниясы. Жобаның жалпы құны 1 трлн теңгеден асады. Кешен аумағы 2,6 млн шаршы метр қосымша құрылыстар аумағы 333 гектар. Мұнда аумағы 15 мың ш.м. болатын аквапарк, ойындар аймағы, саябақтар, террасалар, кеңсе және коммерциялық үй-жайлар, қонақ үйлер, әлеуметтік және тұрғын үй инфрақұрылымы және т. б. орналасады.

Жобаның бірінші кезеңін (29 га) 2022 жылдың соңында пайдалануға беру көзделген. 21,3 мың уақытша және 2 мың тұрақты жұмыс орны құрылады. Үкімет басшысы жаңа ауданға қажетті инженерлік-коммуникациялық инфрақұрылымды жеткізуді қамтамасыз етуді және барлық құрылыс жұмыстарын жоспарланған мерзімде сапалы орындауды тапсырды.

Тексеру сапарына Премьер-Министрдің орынбасары Роман Скляр, Нұр-Сұлтан қаласының әкімі Алтай Көлгінов, индустрия және инфрақұрылымдық даму министрі Бейбіт Атамқұлов, қаржы министрі Ерұлан Жамаубаев, энергетика министрі Нұрлан Ноғаев, мәдениет және спорт вице-министрі Ғабидолла Әбдірахымов және т. б. қатысты.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир