ҚР Велоспорт федерациясына жаңа басшы келді

Қазақстан Велосипед спорты федерациясына басшы болып Нұрлан Смағұлов тағайындалды, деп хабарлайды ҚазАқпарат.

Федерацияның ақпаратына сәйкес, Дархан Кәлетаев ҚР Велоспорт федерациясының президенті өкілеттігін өздігінен тоқтатқан. 

«Кеңейтілген отырысы барысында федерацияның барлық мүшелері ұйымның басшылығына Н. Смағұловтың кандидатурасын бірауыздан қолдап, дауыс берді. Жаңа президенттің өкілеттігі 4 жылды құрайды», - делінген хабарламада.