|
Саясат
19.08.2019 | 15:36

Ерлан Қожағапанов Алматы әкімінің орынбасары болып тағайындалды

Ерлан Қожағапанов Алматы әкімінің орынбасары болып тағайындалды

Ерлан Қожағапанов Алматы әкімінің орынбасары болды, деп хабарлайды қала әкімдігінің баспасөз қызметі.

"Алматы қаласы әкімінің өкімімен ҚР Президенті Әкімшілігінің келісімі бойынша Ерлан Қожағапанов қала әкімінің орынбасары болып тағайындалды", - делінген хабарламада.

Өз кезегінде бұл позицияда болған Ерлан Әукенов өз еркімен қызметінен кетті.

Ерлан Қожағапанов - 1968 жылы туған. 1992 жылы Қарағанды мемлекеттік университетін "Экономика" мамандығы бойынша бітірген.

1999 жылы - "Қаржы" мамандығы бойынша Алматы мемлекеттік университеті.

2006 жылы РФ Мемлекеттік Кеден комитетінің Ресей кеден академиясын "Заң" мамандығы бойынша бітірген.

1987-1989 жылдары КСРО Қарулы Күштері қатарында қызмет етті.

1990 жылдан 1994 жылға дейін-кәсіпкерлік қызметпен айналысты.

1994 жылдан 2007 жылға дейін-мемлекеттік органдар мен кәсіпорындарда жұмыс істеді. 2007 жылдан 2013 жылға дейін - Астана қаласы әкімінің орынбасары (қазір - Нұр-Сұлтан) қызметін атқарды.

2013-2016 жылдары-ҚР Спорт және дене шынықтыру істері агенттігінің төрағасы, ҚР Футбол федерациясының президенті.

2016 жылдан бастап 2017 жылға дейін-ҚР премьер-министрінің кеңесшісі қызметін атқарды. 2017 жылдан ҚР Мәдениет және спорт вице-министрі.



МАҚАЛАДА

замакима