|
08.04.2019 | 16:37
3037

«QAZAQSTAN» телеарнасын бұдан былай Ләззат Танысбай басқарады

Жаңа басшыны ұжымға ҚР Ақпарат және байланыс министрі Дәурен Абаев таныстырды

«QAZAQSTAN» телеарнасын бұдан былай Ләззат Танысбай басқарады

«QAZAQSTAN» РТРК» АҚ басшысы болып Ләззат Танысбай тағайындалды. Бұл туралы ҚР Ақпарат және байланыс министрі Дәурен Абаев өзінің Facebook-парақшасында мәлімдеді.

Министрі Л.Танысбайды телевизия саласының білікті маманы екенін айтып, телеарнаны жаңа деңгейге көтеретініне сенім білдірді.

«Ләззат Мұратқызы белгілі журналист, телевизия саласының білікті маманы әрі табысты топ-менеджер екенін өздеріңіз де жақсы білесіздер. Л.Танысбай қазіргі уақытқа дейін қолға алынған іргелі шараларды одан әрі жалғастырып, корпорацияны жаңа деңгейге көтереді деп сенемін», - деп жазды Д.Абаев әлеуметтік желіде парақшасында.

Еске салайық, бұған дейін «QAZAQSTAN» арнасын басқарған Ерлан Қарин ҚР Президентінің кеңесшісі қызметіне тағайындалған еді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
Прямой эфир