|
03.05.2019 | 17:51
2229

Сәді-Бек Түгел Президент сайлауына кандидат болып тіркелді

Сәді-Бек Түгел Президент сайлауына кандидат болып тіркелді Фото election.gov.kz

Бүгін ҚР Орталық сайлау комиссиясы 2019 жылғы 9 маусымға тағайындалған Қазақстан Республикасы Президентінің кезектен тыс сайлауында Сәді-Бек Түгелді Қазақстан Республикасы Президенттігіне кандидат ретінде тіркеу туралы қаулы қабылдады, деп хабарлайды ҚазАқпарат.

«2019 жылғы 9 маусымға тағайындалған Қазақстан Республикасы Президентінің кезектен тыс сайлауында Сәді-Бек Түгел Қазақстан Республикасы Президенттігіне кандидат ретінде тіркелсін; Президенттікке кандидат Сәді-Бек Түгелге тиісті куәлік берілсін; Президенттікке кандидат Сәді-Бек Түгелдің «Халықтық Жинақ Банкі» акционерлік қоғамына арнайы уақытша шот ашу үшін тіркелуі туралы мәліметтер берілсін; бұқаралық ақпарат құралдарында Қазақстан Республикасы Президенттігіне кандидат Сәді-Бек Түгелдің тіркелгені туралы хабарлама жариялансын», - делінген ҚР ОСК мүшесі Бақыт Мелдешов жария еткен ОСК қаулысында.

ҚР Орталық сайлау комиссиясының мүшелері қаулы жобасына дауыс беріп, ол бірауыздан қабылданды.  Осыдан кейін ҚР ОСК төрағасы Берік Имашев президенттікке кандидат Сәдібек Түгелге тиісті куәлікті табыс етті.

Айта кетерлігі, Сәді-Бек Түгелді «Ұлы дала қырандары» республикалық қоғамдық мәдени-әлеуметтік бірлестігі президенттікке кандидат ретінде ұсынған болатын. Сонымен қатар ол ҚР Президенттігіне кандидаттың мемлекеттік тілді еркін меңгергенін анықтайтын лингвистикалық комиссия алдында емтихан тапсырып, өзінің қазақ тілін еркін меңгергендігін дәлелдеген болатын.  

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

MAQALADA

выборы
Новости партнеров

Прямой эфир