Павлодарда 1 жасар сәби шелектегі суға түсіп кетті

Павлодарлық дәрігерлер шелектегі суға батып кете жаздаған баланың өмірін сақтап қалды. Бұл туралы облыстық балалар ауруханасы мәлімдеді, деп хабарлайды Almaty.tv тілшісі Pavlodarnews.kz-ке сілтеме жасап. 

Қазір ол ауруханада жатыр.

«2022 жылы туған қызды 10 сәуір күні облыстағы ауданның бірінен санитарлық авиациямен жеткізді»,– деп нақтылады ауруханада.

Дәрігерлер оның жағдайын тұрақты деп бағалап отыр. Кішкентай қыз соматикалық бөлімде ем алуда.

Естеріңізге сала кетейік, 2022 жылдың ақпан айында бір шелек суға батып кеткен бала жан тапсырған болатын.