Петропавлда түрмеде отырған әйелді туыстары 20 жыл бойы өлдіге санаған

Петропавл қаласындағы әйелдер колониясында жазасын өтеп жүрген әйелді туыстары 20 жылдан бері өлді деп санап келген, деп хабарлайды Almaty.tv тілшісі Polisia.kz-ке сілтеме жасап.

8 қазанда ер адам әйелдер колониясына хабарласып, сотталған Алтынгүл Баязиеваның туыс ағасы екенін мәлімдеген. Ер адамның айтуынша, 20 жыл бұрын жиенінің анасы қайтыс болған соң онымен байланыс үзіліп қалған. Осы уақыт ішінде жазасын өтеушіні туыстары өлдіге санаған. 10 қазанда ер адам бас бостандығынан айыру мекемесіне жиенімен кездесуге келген.

Айта кетері, жазасын өтеуші Алтынгүл Баязиеваның 8 жасар қызы балалар үйінде тәрбиеленіп жатыр.

"Жұма күні таныстарым ашық есік күнінен видео жіберді. Мен бірден жиенімді, туған қанымды таныдым. Көптеген жылдан кейін ол тірі және сау болып шықты және оның қызы да бар екен. Енді оны анасы босатылғанға дейін өз қамқорлығыма аламын. Алтынгүл қарсы емес. Маған көмектескендердің барлығына алғыс білдіремін. Егер ол жаңалықтан көрсетілмесе, біз кездеспес едік", – дейді ер адам.