Қызылордада 11 жастағы бала суға батып кетті

Фото: ашық дереккөзден

Жыл басынан бері Қызылорда облысында 23 адам суға батып көз жұмған

Қызылорда қаласында 11 жастағы ер бала дарияға суға батып кетті, деп хабарлайды Almaty.tv тілшісі ҚазАқпаратқа сілтеме жасап.

Оқиға дарияның сол жағалауы аймағында болды. Онда 2009 жылы дүниеге келген ер бала дарияға батып кеткен.

«Қазір іздестіру жұмыстары жүріп жатыр. Оқиға орнында жұмыс істеуде», – деп мәлім етті Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің өкілдері.

Сондай-ақ, бүгін Қызылорда қаласында 25 жастағы жігіт Сырдарияға суға батып кетті.

Жыл басынан бері Қызылорда облысында 23 адам суға батып көз жұмған.