Маңғыстауда жол бойында көлік өртеніп кетті

Маңғыстауда жол бойында Audi өртеніп кетті, деп хабарлайды Almaty.tv тілшісі Tengrinews.kz-ке сілтеме жасап.

Оқиға 12 маусымда Ақтау-Жетібай жолының Мұнайлы ауданындағы учаскесінде болған.

Облыстық Төтенше жағдайлар департаментінің мәліметінше, бұл дерек бойынша қоңырау 12:52-де түскен. Оқиға орнына төрт өртсөндіруші шығып, сағат 13:23-те өртті ауыздықтаған.

Зардап шеккендер жоқ. Өрттің себебі анықталып жатыр.

Еске салайық, маусымның басында Қарақия ауданында жол бойында жартылай тіркемесі бар "Мерседес" тракторы өртенген болатын.