Батыс Қазақстан облысында 6 адам көлік апатынан қаза тапты

Depositphotos.com

Полиция мән-жайды анықтауда

БҚО-да жол-көлік оқиғасынан 6 адам қаза тапты, деп хабарлайды Аlmaty.tv тілшісі Zakon.kz-ке сілтеме жасап.

17 қыркүйекте сағат 19:30 шамасында БҚО Теректі ауданы Бекей кентінің жанында, Самара - Шымкент жолының 290-шақырымында «DAF» маркалы ауыр жүк көлігімен «Lada Priora» соқтығысты. Апат салдарынан 6 адам қаза тапты.

Олардың екеуі 34 және 33 жастағы ересек адам. Қалғаны – 11, 12, 5, 1 жастағы кәмелетке толмаған бала.

Жүк көлігінің 37 жастағы жүргізушісі де зардап шеккен.

- Оқиға орнында толық мән-жайды анықтау үшін полиция қызметкерлері жұмыс істеп жатыр, - деді патрульдік полиция батальоны командирінің орынбасары Шыңғыс Бірманов.

Оқи отырыңыз: Алматы қаласы бойынша 18-24 қыркүйек аралығындағы ауа райы болжамы