Шымкентте көшенің ортасында кәсіпкерді өлтіріп кетті

Шымкентте кәсіпкерді өлтіріп кетті, деп хабарлайды қалалық Полиция департаментінің баспасөз қызметі.

Қылмыс 19 шілде күні Арай көшесінде сағат шамамен 15.30-да орын алған.

Otyrar.kz порталының хабарлауынша, кәсіпкердің Lexus маркалы көлігіне аңшы қаруынан оқ жаудырған.

Шымкент полициясы жергілікті тұрғынды өлтіру дерегі бойынша сотқа дейінгі тергеу жүргізіліп жатқанын жеткізді.

«Қазіргі таңда қылмыскерді ұстауға бағытталған барлық қажетті шұғыл іздестіру шаралары жүргізіліп жатыр», - делінген хабарламада.

Дереккөзі: Sputnik