Алматыда жол апатынан төрт адам зардап шекті

Алматыда екі көлік соқтығысып, салдарынан төрт адам зардап шекті, деп хабарлайды tengrinews.kz.

Куәгерлердің айтуынша, KIA көлігі Назарбаев даңғылымен оңтүстік бағытта кетіп бара жатқан. Тимирязев көшесіне жақындағанда белгісіз себептермен жолдың қарсы бағытына өтіп кетіп, Mitsubishi маркалы автокөлікпен соқтығысады.  

Жол-көлік оқиғасы салдарынан екі көліктің жүргізушілері мен жолаушылары да ауруханаға жеткізілді. Қалалық полицейлер оқиғаның мән-жайын анықтап жатыр.