Астана полицейлері төленбеген 15 млн теңге айыппұлы бар жүргізушіні ұстады

Астана полицейлері төленбеген 15 млн теңге айыппұлы бар жүргізушіні ұстады, деп хабарлайды Аlmaty.tv тілшісі Polisia.kz-ке сілтеме жасап. 

29 ақпанға дейін "Борышкер" және "Қауіпсіз жол" жедел алдын алу іс-шарасы өтіп жатыр. Полицейлер жеке сот орындаушыларының өңірлік палатасымен бірлесіп, салынған әкімшілік айыппұлдар бойынша берешегі бар, оның ішінде атқарушылық іс жүргізу қозғалған жүргізушілерді анықтайды. Борышкерлерді патрульдік полиция полкінің мамандандырылған батальонының қызметкерлері автокөліктің жалпы ағымында "Қорғау" автоматтандырылған жүйесі арқылы анықтайды. 

Рейдтік іс-шараларға "Қорғауды" пайдаланатын 156 маршрут жұмылдырылды. Рейдтік іс-шаралар өткізілген екі күн ішінде әкімшілік айыппұлдар бойынша берешегі бар 100-ге жуық жүргізушіге хабарланды.

Мәселен полицейлер Hyundai Sonata автокөлігін тоқтатты, оның жүргізушісінің 15 млн теңге берешегі бар. Екіншісі, 35 млн теңгеден астам сомада берешегі бар Volkswagen Passat автокөлігінің иесі. BMW X5 автокөлігінің жүргізушісі міндетті сақтандыру шартын жасамағаны үшін жауапкершілікке тартылды. Сонымен қатар әкімшілік заңбұзушылықтар бойынша берешегі шамамен 2 млн теңгені құрады.

Оқи отырыңыз: Түркістан облысында мал іздеуге шыққан 2 адам жоғалып кетті