Елордада жолаушылар автобусында бұрышты газ баллон шашып, төбелес шығарған күдікті ұсталды, деп хабарлайды Нұр-Сұлтан қаласы Полиция департаментінің баспасөз қызметі.
Жедел іздестіру шараларының нәтижесінде 33 жастағы жергілікті тұрғын ұсталды. Бұзақылық бабы бойынша сотқа дейінгі тергеу жүріп жатыр.
Айта кетейік, оқыс оқиға 15 тамыз күні 10:00 шамасында №9 автобуста орын алған. Белгісіз ер адам автобус салонында біреумен төбелесіп қалып, бетіне газ баллонын шашып жіберген. Ал автобустан шыққаннан кейін ер адам қарсыласын бетінен бір теуіп, сол жерден қашып кеткен.
