Жетісу облысында 3 жолаушы әйел адам көлік апатынан мерт болды, деп хабарлайды Almaty.tv тілшісі Azattyq Rýhy агенттігіне сілтеме жасап.
Жетісу облыстық полиция департаменті баспасөз қызметінің мәліметінше, жол апаты «Алматы-Өскемен» тасжолының Көксу ауданы аумағында болды.
«Тойота Камри» мен «Тойота Ленд Крузер Прадо» көліктері соқтығысып, салдарынан 3 адам қаза тапты.
Көліктердің бірінің дөңгелегі жарылып, бұл екі көліктің соқтығысуына әкелген.
«ЖКО салдарынан жол талғамайтын көлік салонындағы үш жолаушы әйел оқиға орнында көз жұмды. Екі көліктің жүргізушілері де түрлі дене жарақатымен ауруханаға жеткізілді»,- делінген хабарламада.
Полиция жүргізушілерді рұқсат етілген жылдамдықты қатаң сақтауға және жол ережесін бұзбауға шақырады.
Оқи отырыңыз: Абай облысындағы 14 қызметкердің өлімі: сотқа дейінгі тергеу басталды
