|
Оқиғалар
03.04.2019 | 10:53

Алматыда адам өлтіргені үшін іздеуде жүрген ер адам ұсталды

Ол қаладағы қонақүйлерде жасырынып келген

Алматыда адам өлтіргені үшін іздеуде жүрген ер адам ұсталды

Алматы қылмыстық полиция басқармасының қызметкерлері адам өлтірді деген күдікпен бірнеше ай бойы іздеуде болған ер адамды ұстады, деп хабарлайды Аlmaty.tv тілшісі Алматы қалалық Полиция департаментінің баспасөз қызметіне сілтеме жасап.


Қылмыс 2018 жылдың желтоқсанында жасалған. 28 жастағы Алматы тұрғыны жанжал кезінде қарсыласын атып өлтіріп, полиция қызметкерлері келгенге дейін қылмыс орнынан қашып кеткен.

Содан бері күдіктіні іздеу тоқтаған жоқ. Полицейлер оның достары мен туыстары тұратын барлық мекенжайды тексерді, бірақ ол ешқайсына келмеген. Бірнеше күн бұрын із кесушілерге ол Алматыдағы шағын және арзан қонақүйлердің бірінде жасырынып жатқаны туралы ақпарат түскен.


«Жедел қызметкерлер жас жігітті бөлмеде отырған жерінен ұстады. Ол күмән туғызбау үшін әлсін-әлсін тұрғылықты жерін өзгертіп, үш айдан астам уақыт бойы осындай қонақүйлерде жасырынып келгені анықталды», - делінген хабарламада.


Қазіргі уақытта күдікті қамауға алынып, тергеу шараларына қатысып жатыр.