Түркістан облысында із-түзсіз кеткен 16 жасар қыз көрші ауданнан табылды

иллюстративное фото

Түркістан облысы Қазығұрт ауданында жоғалып кеткен 16 жастағы қыз табылды, деп хабарлайды Аlmaty.tv тілшісі.

Жоғалған қызды табуға Қазығұрт аудандық полиция бөлімінің барлық жеке құрамы мен жергілікті полиция қызметі, сондай-ақ, көршілес аудан құрылымдары жұмылдырылды.

«Екі күн өткеннен кейін Жергілікті полиция қызметкерлері жүргізген жедел-іздестіру іс шараларының нәтижесінде 16 жастағы қыз көршілес Сарыағаш ауданынан табылған. Тәртіп сақшылары жасөспірім қызды аман-есен ата-анасына табыстады», - делінген хабарламада.

Қазіргі уақытта оқиғаның толық мән-жайы анықталып жатыр.