ШҚО-да жұмысшы кәріз құдығында уланып қаза тапты

Шығыс Қазақстан облысының Зайсан қаласында слесарь кәріз құдығында қаза тапты, деп хабарлайды Yk-news.kz.

12 маусымда кәріз құдығын тазалау жұмыстары кезінде «Зайсан» коммуналдық көпсалалы мемлекеттік кәсіпорнының 3 қызметкері метаннан уланған. Төтенше жағдай және өрт бөлімінің құтқарушылары уланғандарды құдықтан шығарып алды. Жұмысшылар қауіпсіздік техникасының нормаларын бұзған.

«Зардап шеккендердің бірі – 1974 жылы туған ер адам оқиға орнында қаза тапты. Одан бөлек, құтқарушылар құдықтан 38 жастағы жүргізушіні алып шықты, ол қазір ауруханада. Ал 32 жастағы тағы бір жұмысшы медициналық көмектен соң үйіне қайтарылды»,– деді ШҚО ТЖД баспасөз қызметіндегілер.