Алматы облысында мас күйінде көлік жүргізген әйел 15 тәулікке қамалды, деп хабарлайды Almaty.tv.
Облыстық полиция департаментінің баспасөз қызметі жол-көлік ережесін бұзған азаматшаның жеті жылға көлік жүргізу құқығынан айырылғанын мәлімдеді. Lada Vesta көлігінің жүрісінен-ақ оны тізгіндеген жүргізушінің ащы суға сылқия тойып алғанын байқаған тәртіп сақшылары темір тұлпарды тоқтатқан. Кейіннен жүргізушінің орта дәрежеде алкогольдік масаң күйінде болғаны расталды. Әкімшілік соттың шешімімен автокөлік арнайы тұраққа жеткізілді.
