ШҚО-да мұз астына кеткен көлікте болған әйелдің денесі табылды

Шығыс Қазақстан облысында мұз астына түсіп кеткен көлік ішінде болған әйелдің денесі табылды, деп хабарлайды Almaty.tv.

Ведомство мәліметінше, марқұмның денесі 8 желтоқсан таңертең сағат 10:00 шамасында шығарылған.

"Төтенше жағдайлар қызметінің тоғыз сүңгуірі іздеді. Сүңгуірлердің жұмысы ауа температурасының төмендігі мен су қоймасындағы көрінудің нашарлығына байланысты қиындады. Мамандар жанасу арқылы жұмыс істеуге мәжбүр болды. Іздестіру жұмыстары жүргізілген жердегі тереңдік шамамен 20 метр", - деді Шығыс Қазақстан облысы Төтенше жағдайлар департаментінің баспасөз қызметі.

Барлығы 23 адам мен жеті техника жұмылдырылды.