Алматыда жол апаты салдарынан екі адам зардап шекті (ФОТО)

Алматыда автокөлік ағаш пен темір бағанаға соқтығысты, деп жазады tengrinews.kz.

Жол-көлік оқиғасы Райымбек даңғылының бойында болған. Жүргізушінің айтуынша, ол батыс бағытта кетіп бара жатып, бұрылысқа келгенде тізгінге ие бола алмай қалған. Соның салдарынан жол жиегіндегі бордюрге шығып кетіп, ағаш пен бағанаға соғысқан.

Жол апатынан екі адам зардап шекті, оларды әр түрлі дене жарақатымен ауруханаға жеткізді.

Қалалық полиция өкілдері оқиғаның мән-жайын анықтап жатыр.