Танымал нумеролог Клара Күзденбаеваның ұлы өмірден озды

Елордада Қазақстан және Ресейде танымал нумеролог Клара Күзденбаеваның ұлы қайтыс болды. Ұлы Русланның мезгілсіз қазасы туралы хабарды нумерологтың өзі жеткізді, деп хабарлайды Stan.kz.

«Ұлым Руслан өмірден озды», - деп жазды Күзденбаева Insagram желісінде.

Десе де нумеролог ұлының өліміне не себеп болғанын айтпады.

Өз кезегінде желі қолданушылары Клара Күзденбаеваның отбасына көңіл айтып жатыр.

Руслан Күздембаев 15 жылдай нумерологиямен айналысқан. Ол Мюнхен парапсихология институтының курсынан өтіп, Үндістанда білім алған.

Марқұмның артында жұбайы мен кішкентай ұлы қалды.