Оралда көпқабатты үй өртенді

Оралда көпқабатты үйден өрт шықты, деп хабарлайды «Мой ГОРОД» басылымы.

Басылымның мәліметінше, өрт 14 наурыз күні сағат 07:00-де «Айгүл» базарының маңында орын алған.

«Төрт қабатты үйдің шатыры өртенді. Өрт сағат 8.10-да толықтай сөндірілді. Жызыл жалын 20 шаршы метрді шарпыған. Қазіргі таңда өрттің неден шыққаны анықталып жатыр», - деді БҚО ТЖД Өрт қауіпсіздігі және өрттің алдын алу басқармасының басшысы Ерлан Төрегелдиев.

Қызыл жалынды ауыздықтауға 11 өртсөндіруші мен үш техника жұмылдырылды.