Қызылорда облысында екі жасар бала құдыққа құлап, қайтыс болды

дереккөзден

Бала ересектердің қарауынсыз қалған

Қызылорда облысында екі жасар бала құдыққа түсіп көз жұмды. Қайғылы оқиға 24 наурызда күндіз Жаңақорған ауданы Қандөз ауылында болды, деп хабарлайды Almaty.tv тілшісі Tengrinews.kz-ке сілтеме жасап.

2021 жылы дүниеге келген марқұм бала Түркістан облысы Сауран ауданы Балтакөл ауылынан Қандөз ауылына анасымен бірге қыдырып келген.

"Сағат 11:30 шамасында бала С.Молдалиев көшесіндегі ауладағы құдыққа құлап, көз жұмды", - делінген хабарламада.

ТЖД оқиғаның басқа мәліметтерін жарияламады. Болжам бойынша, бала ересектердің қарауынсыз қалған.