|
10.09.2020 | 13:30
1883

Алматы-Қостанай бағытындағы ұшақта жолаушы көз жұмды

Жолаушы 70 жаста еді

Алматы-Қостанай бағытындағы ұшақта жолаушы көз жұмды abai.kz

Алматы-Қостанай бағытындағы әуе рейсінде 70 жастағы ер адам қайтыс болды, деп хабарлайды Almaty.tv тілшісі Tengrinews.kz-ке сілтеме жасап.

«9 қыркүйекте сағат 17.34-те Қостанай станциясындағы желілік полиция бөліміне Алматы-Қостанай бағытындағы әуе рейсінде 70 жастағы ер адам кенеттен көз жұмды деген хабарлама келіп түсті. Өлімнің алдын ала себебі - созылмалы ауру», – деді ІІМ көліктегі полиция департаментінің баспасөз хатшысы Ләззат Қасымжанова.

Сот-медициналық сараптама тағайындалды. Осы дерек бойынша тергеу басталды.

«ҚР Қылмыстық-процестік кодексінің 201-бабына сәйкес тергеу мүддесі үшін өзге ақпарат таратылмайды», – деді ведомство өкілі.

Fly Arystan әуе компаниясы ақпаратты растады.

«Расында да осындай жағдай болды. Жолаушы 70 жаста еді. Рейс кешігіп ұшып кетті», – деді әуе компаниясының баспасөз қызметінің өкілі Ләззат Нәбиева.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир