|
16.07.2019 | 12:21
1167

Талдықорған тұрғынының әйелін не үшін өлтіріп, жертөлеге көміп тастағаны белгілі болды

Трагедияға қызғаныш себеп болған

Талдықорған тұрғынының әйелін не үшін өлтіріп, жертөлеге көміп тастағаны белгілі болды

Талдықорғанда аула ішіндегі жертөледен 42 жастағы әйелдің денесі табылды. Полицияның мәліметінше, күдікті ретінде марқұмның күйеуі мен тағы бір адам ұсталған.

Күдікті барлық айғақ зат пен мүрденің қайда жатқанын көрсетті. Қанды оқиға Талдықорғандағы жалға берілген жер үйлердің бірінде болыпты. Ерлі-зайыпты арасындағы ұрыс-керіс қып-қызыл жанжалға ұласып, көзіне қан толған отағасы әйелін пышақтап тастаған.

Марқұм оқиға орнында тіл тартпай кеткен. Ал ашуға мінген күйеуі істеген ісіне өкінбек түгілі қылмысын жасыруға бел байлайды. Тіпті, сол үшін көмекке досын шақырыпты. Кейін танысы екеуі мәйітті ауладағы жертөлеге түсіріп, сонда жасырған, деп хабарлады Sputnik.

Трагедияға қызғаныш себеп болған.

«Айтпай кетіп қалатынды шығарды. Қашып жүрді. Көзіме шөп салды. Оны іздедім, қайда екенін айтпады», – дейді күдікті.

Талдықорған қалалық ПБ тергеу бөлімінің тергеушісі Алтай Қасымовтың айтуынша, аталған дерек бойынша ҚР Қылмыстық процестік кодексінің 99-бабы, 1-бөліміне сәйкес сотқа дейінге тергеп-тексеру басталды.

«Қазіргі кезде осы дерек бойынша тиісті сараптамалар дайындалып жатыр. Сараптама қорытындысы дайын болған соң нақты процессуалдық шешім қабылданады», – дейді ол.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Janalyqtar tizbegi

След. →
Прямой эфир