Алматы облысында үш вагон рельстен шығып кетті

tengrinews.kz

Оқиға Алматы облысында орналасқан Қопа станциясындағы Алматы - Отар аймағында болған

Алматы облысында үш вагон рельстен шығып кетті, деп хабарлайды Tengrinews.kz Индустрия және инфрақұрылымдық даму министрлігіне сілтеме жасап.

Оқиға Алматы облысында орналасқан Қопа станциясындағы Алматы - Отар аймағында болған.

"6 қазанда сағат 21:07-де Қопа станциясында №3471 жүк пойызы "тарту" режимінде тежеуіш сызығында қысым төмендегендіктен машинист 23, 24, 25 вагондарының түсіп бара жатқанын байқаған. Қалыпқа келтіру пойызы Алматы станциясынан сағат 21:47-де жүріп кетті", - делінген хабарламада.

Қазір тергеу жұмыстары жүргізіліп жатыр.