Алматы полициясы қалта ұрыларының суретін жариялады (фото)

Алматы полициясы төрт қалта ұрыларының суретін жариялады. Тәртіп сақшылары олардың барлығы ұрлық кезінде ұсталғандарын жеткізді, деп хабарлайды қалалық ПД-нің баспасөз қызметі.

Суреттегі ер азаматтардың жасы 20 мен 38-дің арасын құрайды. Әрқайсысы бірнеше қалта ұрлығымен ұсталғандар

Олар қоғамдық орындарда жемтігін іздеп, ыңғайлы сәтті пайдалана отырып, бағалы заттарды қолды қылған.

Криминальды полиция басқармасының басшысы Есен Ысқақов қалта ұрысы ұрлық кезінде жәбірленушінің көз алдында болмайтындығын атап өтті.

«Осыған байланысты, мегаполис тұрғындары қалта ұрыларының түрін біліп жүргені маңызды. Бұл суретке жақсылап қараңыздар, осылардың біреуі сізбен бірге автобуста кетіп бара жатпасына кім кепіл», - деді ол.